Khit Thit သတင်းဌာန၏ ဇွန် ၆ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၆ ရက် နေ့လယ်ပိုင်းတင်ဆက်ပေးမယ့်သတင်းတွေကတော့ -ပဲခူးတိုင်း၊ ကျောက်ကြီးမြို့နယ်၊ နတ်သံကွင်းမှာ ဒီကနေ့ ဇွန်လ ၆ ရက်နေ့ မနက်အစောပိုင်းက တိုက်ပွဲ အပြင်းအထန်ဖြစ်ပွားပြီးတဲ့နောက် ကျောက်ကြီးမြို့နဲ့ နတ်သံကွင်းမြို့ကို ချိတ်ဆက်ထားတဲ့ စစ်တောင်း မြစ်ကူးတံတား ထက်ပိုင်းကျိုးကျသွားတယ်လို့ ဒေသခံတွေဆီကနေ သိရပါတယ်။ - စစ်ကိုင်းတိုင်း၊ မုံရွာ-မန္တလေးလမ်းပေါ်မှာ ဖြတ်သန်းသွားတဲ့ အကြမ်ဖးက် စစ်ကောင်စီတပ် ယာဉ် တန်းကို ပြည့်သူ့ကာကွယ်ရေးတပ်ဖွဲ့တွေကနေ မိုင်းဆွဲတိုက်ခိုက်မှုအပြင် လက်နက်ငယ်တွေနဲ့ပါ ပစ်ခတ်မှုအတွင်း အကြမ်းဖက် စစ်ကောင်စီတပ်သား ၂ ဦး သေသွားတယ်လို့ မြန်မာ့တော်ဝင် နဂါးတပ်တော်၊ MRDA တပ်ရင်း ၆ ရဲ့ တာဝန်ရှိသူတစ်ဦးက ရန်ကုန်ခေတ်သစ်ကို ပြောပါတယ်။ - မန္တလေးတိုင်း၊ တောင်သာမြို့နယ်မှာ PDF တပ်ဖွဲ့တွေရဲ့ သတင်းကို လိုက်လံစုံစမ်းနေတဲ့ စစ်ထောက် လှမ်းရေး လှမိုး ဆိုသူကို ပြည်သူ့ကာကွယ်ရေးတပ်ဖွဲ့တွေကနေ ပစ်ခတ်ရှင်းလင်းရာမှာ သေသွားတဲ့ အပြင် ၊ သေနတ် ၁ လက်ကိုပါ သိမ်းဆည်းရရှိခဲ့တဲ့ သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
